Ветеран үзешчәннәр арасында уза торган «Балкыш» республика фестивалендә Азнакай Мәдәният йорты каршында эшләп килүче «Ялкын» бию коллективы «Хореогрфия» номинациясендә лауреат исемен яулады.
«Безнең коллективка ялкын кебек ут янып торган ветераннар йөри. Алар профессиональ артистлар түгел, әмма осталыклары ягыннан һич калышмыйлар, район күләмендәге бәйрәмнәрне үзләренең биюләре белән ямьлиләр, төрле дәрәҗәдәге бәйгеләрдә актив катнашалар», — ди ансамбль җитәкчесе Оксана Аветисян.
«Балкыш» фестивале республикабызда унынчы елын уздырыла. Азнакайлылар гала-концертта чыгыш ясап, тамашачы һәм жюри күңелен яуладылар.